30 herë më i fuqishëm se bomba në Hiroshima, asteroidi 'qytet-shkatërrues' me shpejtësi drejt Tokës
Një asteroid “qytet-shkatërrues” është drejtuar nga Toka të enjten, duke befasuar astronomët që nuk morën trajektoren e shkëmbit deri disa ditë para se të kalonte planetin tonë.
Shkëmbi, i quajtur ‘Asteroid 2019 OK’, kaloi brenda 69.2018 km distancë nga Toka duke udhëtuar me një shpejtësi prej 24 km në sekondë.
Asteroidi, i cili u vlerësua të jetë ndërmjet 187 dhe 427 metra në diametër, u zbulua këtë javë nga dy ekipe astronomie në Brazil dhe SHBA dhe u konfirmua nga Laboratori Jet Propulsion i NASA-s.
Ai është shkëmbi më i madh që kalon nga Toka këtë vit dhe ndoshta edhe këtë dekadë.
"Kjo është një nga qasjet më të afërta me Tokën nga një asteroid për të cilin ne kemi njohuri. Dhe është shumë i madh”, tha Michael Brown, një profesor i asociuar në shkollën e fizikës dhe astronomisë të Universitetit Monash.
Astronomët në përgjithësi ndjekin asteroidet paraprakisht, por ky rast ishte i vështirë për t'u kapur sepse po udhëtonte nga drejtimi i Diellit.
Ndërsa përmasat e shkëmbit mund të duken të vogla afërsisht gjatësia e një fushe futbolli ekspertët thanë se ndikimi nga ‘Asteroid 2019 OK’ do të ishte katastrofik.
"Do të kishte goditur me mbi 30 herë fuqinë e shpërthimit të bombës në Hiroshima," tha një astronom i Universitetit Sëinburne. Është një asteroid qytet-shkatërrues por nga përmasat e vogla që ai ka, ka qenë edhe më e vështirë të monitorohet”, ka shtuar ai. f.h/SYRI.NET