INTERVISTA E VITIT/ Ramush Haradinaj sot ne oren 21:00 përballë Çim Pekës në Syri.net dhe Syri TV

Pak ditë pas dorëheqjes nga posti i kryeministrit të Kosovës, Ramush Haradinaj vjen për Syri TV dhe Syri.net me një intervistë ekskluzive.

Përballë gazetarit dhe moderatorit të “Çim Peka Live”, Çim Peka, kreu i Aleancës për Ardhmërinë e Kosovës vjen me një intervistë, ku sigurisht kryefjala do të jetë vendimi për të dhënë dorëheqjen, thirrja nga Gjykata Speciale, çështja e kufijve me Serbinë dhe aktualiteti politik në Shqipëri dhe Kosovë.

“Intervista e vitit do jetë sot live në Syri.net dhe Syri tv!”, shkruan Peka në një njoftim të tijin në rrjetet sociale.

Intervista do të transmetohet ditën e nesërme në ora 21:00. Atë mund ta ndiqni LIVE në Syri.net dhe Syri TV.