Xhaka flet pas fitores ndaj Bajernit: Na duhet shumë punë
Arsenali ka startuar në mënyrën më të mirë turneun miqësor ‘International Champions Cup’.
“Topçinjtë” mposhtën 2-1 skuadrën e Bajernit të Mynihut ndërsa të tre golat u shënuan gjatë pjesës së dytë.
Pas takimit ka folur edhe mesfushori shqiptar, Granit Xhaka, i cili në këtë takim ishte kapiten i klubit londinez.
“Ndeshje e mirë sonte. Më shumë stërvitje na duhet që të përgatitemi për takimin me Neëcastlen”, ka shkruar ndër të tjerash mesfushori me origjinë shqiptare.
Theksojmë se golat për londinezët i shënuan Louis Poznanski (autogol), Eddie Nkietah ndërsa për bavarezët realizoi Robert Lewandowski.
Kujtojmë se Unai Emery ditë më parë ka thënë se 26-vjeçari shqiptar mund ta zëvendësojë si kapiten Laurent Koscielnyn, i cili është në kërkim të një skuadre të re.