U ndanë 17 vite më parë, por fansat janë të bindur se Britney Spears vazhdon ta dashurojë Justin Timberlake
Kanë kaluar plot 17 vite nga koha kur Britney Spears dhe Justin Timberlake i dhanë fund lidhjes së tyre, por fansat vazhdojnë të mendojnë se ka mbetur ende një shkëndijë dashurie. Ditën e djeshme Britney publikoi në ‘Instagram’ një mesazh që fliste për një dashuri që ka marrë fund dhe të gjithë janë të bindur se ja ka dedikuar Justin. “Jetët tona nuk u përshtatën, por a dinin shpirtrat tanë si të kërcenin…”, shkruhej në mesazhin e Spears.
Menjëherë pas këtij postimi të gjithë kanë komentuar se ky mesazh është për Timberlake dhe nuk kanë ngurruar ta bëjnë ‘tag’ në foto. Ndërsa disa fansa të tjerë të këngëtares mendojnë se ajo mund të ketë probleme në marrëdhënie me partnerin e saj aktual, Sam Asghari. Britney nuk ka reaguar ende për këto spekulime, por një muaj më parë ajo kaloi disa ditë pushime së bashku me Sam. Spears dhe Timberlake kanë qenë bashkë nga viti 1999 deri në 2002 pasi punonin bashkë në “The all new Mickey Mouse Club”.
Ndërsa me Sam Asghari Britney është njohur në vitin 2016-të dhe ai i ka qëndruar gjithmonë pranë në momentet e vështira.