Interi pret nga Gjermania mbrojtësin e djathtë, kushton 22 milion euro
Pas ardhjes së Antonio Contes, tek Interi pritet të zhvillohet një merkato e madhe.
Sipas asaj që shkruan “SportMediaset”, zikaltrit kanë mbyllur marrëveshjen me Hertha Berlin, për mbrojtësin e djathtë, Valentino Lazaro.
23-vjeçari pritet të mbërrijë sonte në Milano, dhe nesër do të kryejë vizitat mjekësore me klubin e ri.
Italianët do të derdhin në arkat e Hertha Berlin plot 22 milionë euro, për shërbimet e mbrojtësit austriak.
Lojtari do të firmosë një kontratë 5-vjeçare, me 1.5 milionë euro në sezon me zikaltrit.
Lazaro zhvilloi 31 ndeshje në sezonin që sapo u mbyll, ku arriti të shënojë edhe 3 gola.