Urimi plot dashuri i Ardit Gjebreas për kosovarët
Kosova feston sot 20 vjetorin e çlirimit nga forcat e okupatorit serb dhe në këtë datë ka vendosur ta urojë edhe prezantuesi i njohur shqiptar, Ardit Gjebrea.
Në llogarinë e tij të rrjetit social Instagram ai postoi një fotografi të para 20 vjetëve, konkretisht të hyrjes së trupave të KFOR-it në vendin tonë dhe la këtë shënim:
“20 vite më parë si sot, NATO i jep fund masakrave të forcave ushtarake dhe policore serbe në Kosovë. Përfundoi makthi i vrasjeve, djegieve, dhunimeve, dëbimeve!
Dita e çlirimit të Kosovës është një ditë e bekuar për të gjithë shqiptarët! U rikthye paqja, drejtësia, dinjiteti! Gëzuar vëllezër! ♥”.