Timoni i Europës pret djathtas, PPE dominim të padiskutueshëm
Parlamenti Evropian nuk ka nxjerrë ende rezultatet zyrtare të zgjedhjeve të mbajtura javën e kaluar, ndërkohë që ato paraprake i japin tashmë fitoren e padiskutueshme Partisë Popullore Evropiane.
PPE, pjesë e së cilës është edhe Partia Demokratike e Shqipërisë, deri tani ka siguruar plot 180 mandate, ndërsa pas saj vijnë socialdemokratët me 145.
Rezultatet e deritanishme:
PPE 180 mandate,
Social-demokratët 145 mandate,
Aleanca Liberal-demokrate për Europën 109 mandate,
Të Gjelbërit 69 mandate,
Europianët Konservatorë dhe Reformistë 59 mandate,
Europa e Kombeve dhe Lirisë 58 mandate,
Europa për Liri dhe Demokraci Direkte 54 mandate,
E Majta Europiane e Bashkuar dhe të Gjelbërit Nordikë 39 mandate,
Aleanca Kombëtare 8 mandate
Partitë e tjera 30 mandate.
Rikujtojmë se, Parlamenti i ri Europian do të ketë edhe një eurodeputete shqiptare. Arba Kokalari, e cila jeton në Stockholm të Suedisë, siguroi një vend në Parlamentin Europian. Politikania e re është pjesë e Partisë së Moderuar (pjesë e PPE), e cila fitoi 17.6% të votave, duke marrë kështu 4 eurodeputetë, mes të cilëve edhe Kokalarin.