Cristiano Ronaldo merr këtë çmim të rëndësishëm në Itali

Para ndeshjes mes Juventusit dhe Atalantës, Cristiano Ronaldo ka marrë një çmim të rëndësishëm personal.

Ylli portugez është zgjedhur si “Lojtari më i mirë” i këtij edicioni të Serie A.

Ronaldo ka shënuar 21 gola dhe ka asistuar tetë herë, teksa gjendet pesë gola prapa Fabio Quagliarella, i cili kryeson tabelën e golashënuesve.

34-vjeçari bëhet lojtari i parë që ka fituar një çmim të tillë në tre ligat e mëdha evropiane, Premier Ligë, La Liga dhe Serie A.

Ronaldo qëllimin kryesor me Juventusin ka fitimin e Ligës së Kampionëve, që do ta synojë ta bëjë sezonin e ardhshëm.