Po afron dasma e vitit në Turqi, mediat zbulojnë ku do e kalojë muajin e mjaltit çifti i njohur
Numërimi mbrapsht ka filluar. Tashmë vetëm pak ditë na ndajnë nga ajo, që konsiderohet se do të jetë dasma e vitit në Turqi.
Bëhet fjalë për lidhjen e futbollistit të njohur gjerman me origjinë turke, Mesut Ozil, dhe aktores bukuroshe, Amine Gulse, të cilët në datë 7 qershor do të kurorëzojnë me martesë dashurinë e tyre disavjeçare.
Edhe pse për momentin është ende herët të flitet, pas gjithccka është në përgatitje e sipër, mediat turke kanë nisur të aludojnë mbi vendin që çifti i njohur do të zgjedhë për të kaluar muajin e mjaltit. Ato shkruajnë se Amine dhe Mesut kanë zgjedhur Maldivet, ishujt përrallorë me resortet luksoze, detin kristal dhe rërën e bardhë.
Me sa duket, pas dasmës dyshja ka vendosur të kalojë disa ditë relaksuese. Kujtojmë se aktorja dhe futbollisti kanë shumë vite të lidhur dhe kanë vendosur që dashurinë e tyre ta festojnë në një dasmë madhështore, me shumë të ftuar.
?