Nxehet Allegri: Champions League nuk është një turne plazhi

Massimiliano Allegri shpërthen ndaj gazetarëve në vigjilje të ndeshjes ndaj Romës në Serie A, pasi e kanë ngacmuar për të ardhmen dhe për dështimin në Champions.

“U zgjova mëngjesin e sotëm dhe po mendoja se çfarë do të kishte ndodhur nëse do kisha fituar më pak trofe nga çfarë kam fituar. Do të më kishin djegur të gjallë.

Do të takoj presidentin gjatë javës dhe do të flasim për sa i përket situatës. Do të analizojmë dhe diskutojmë çdo gjë në 360 gradë, ashtu siç bëjmë gjithmonë. Pas ndeshjes me Ajaxin unë i thashë se dua të qëndroj.

Disa njerëz mendojnë se të fitosh Championsin është aq e lehtë sa të fitosh një turne futbolli në plazh kur je me pushime”, deklaroi Allegri.