Mbyllen votimet në Maqedoninë e Veriut/ Ja cili kandidat kryeson deri tani
Para pak minutash është mbyllur procesi zgjedhor në Maqedoninë e Veriut, ku pjesëmarrja e qytetarëve ka arritur në 44.4%.
Të dhënat janë regjistruar në orën 18.30, theksoi kryetari i KSHZ-së, Oliver Derkovski. Derkovski tha se zgjedhjet kaluan në një atmosferë të qetë dhe demokratike, me disa parregullësi të vogla.
Stevo Pendarovski është kandidat i Lidhjes Social Demokrate i mbështetur edhe nga Bashkimi Demokratik për Integrim dhe një sërë partish të tjera më të vogla e organizata joqeveritare.
Ndërsa, Gordana Siljanovska Davkova garon si kandidate presidenciale e VMRO-DPMNE-së së opozitës, e vlerësuar si nacionaliste.
Me numërimin e deritanishëm në avantazh është kandidati Pendarovski.