VIDEO-FOTO/ Imami shqiptar bëhet hit në SHBA, pozon me priftin dhe rabinin. Ja mesazhi
Në një kohë kur bota zien nga sulmet terroriste dhe kur feja shihet si fajtore, sërish del në skenë një shqiptar për të bërë diferencën e për të dhënë shembullin se, pavarësisht në fenë që besojmë, jemi të gjithë qënie njerëzore që kemi nevojë për dashuri, bashkim dhe solidaritet.
Gazmend Aga, imami shqiptar më i famshëm në Shtetet e Bashkuara, është kthyer në temë dite përtej Atlantikut me veprimin e tij.
Ai ka ftuar në xhaminë ku predikon homologët e dy feve të tjera, një prift dhe një rabin.
Veprimi i tij po komentohet shumë në Shtetet e Bashkuara, ndërsa vetë imami shqiptar shprehet:
“Një prift, një imam dhe një rabi. Një Bibël, një Kuran dhe një Talmud. Ky është shpirti i bashkimit, shpirti i “3 Amigos”.