Gjiganti turk do mbrojtësin shqiptar

Mbrojtësi i Kombëtares, i grumbulluar edhe nga Christian Panucci me Shqipërinë, Kastrioti Dermaku, po bën mirë me skuadrën e Cosencës në Serinë B, ku është një pikë kyçe në formacionin e kësaj skuadre.

Pas sinjaleve në Itali, ku është skuadra e Bolognës që e kërkon ta ketë për sezonin tjetër, një interes i madh vjen nga Turqia.

Mediat turke, raportojnë se është ekipi i Beshiktashit, që e sheh Dermakun si një lojtar me vlera për ta pasur në ekip.

Ekipi i Beshiktashit mund të ketë probleme në mbrojtje, pasi disa prej titullarëve mund të largohen, dhe po mendojnë që tani për zëvendësuesit, ku një prej tyre është pikërisht 27-vjeçari shqiptar, Kastriot Dermaku.