Video/ Truproja shtyn gazetarin pas murit, ja se si deputetja socialiste është gati të kalojë mbi trupin e e tij

Gazetari Renaldo Salianji, i Klan Plus, ishte sot në Kuvendin e Shqipërisë, për të kryer detyrën e tij si gazetar, kur gjatë ushtrimit të detyrës, truproja i kryeprokurores së përkohshme, Arta Marku, e përplasi pas murit pa asnjë shkak.

Pëpos gjestit të shëmtuar të kryer nga një truprojë, ajo që të bën përshtypje janë gratë deputete socialiste dhe zonja Marku, që janë gati të kalojnë edhe mbi trupin e gazetarit, vetëm të mos u prishet grimi dhe flokët e sapobëra.

Madje deputetja Blerina Gjylameti siç shikohet edhe nga pamjet e shijon e qetë të gjithë përçudnimin që truproja i bën gazetarit dhe si pa gjë të keq i kërkon me të qeshur truprojës së Arta Markut që ti lirojë rrugën që të vazhdojë me tej.