VIDEO/ Briken Calja, medalje e artë në shkëputje në Kampionatin Europian
Po zhvillohet në Gjeorgji Kampionati Europian i Peshëngritjes “Batumi 2019”, shkruan Syri.net.
Në këtë aktivitet Shqipëria merr pjesë me 5 shtangistë.
Briken Calja është i pari që konkurron sot, në peshën 73 kg.
Në stilin e shkëputjes, Calja e nisi me 152 kilogramë, duke e ngritur me sukses shtangën.
Në provën e dytë sërish i suksesshëm Calja, duke ngritur 156 kg.
Prova e tretë nuk kalohet me 158 kg, por gjithsesi shtangisti nga Shtërmeni arrin të marrë medaljen e artë në stilin e shkëputjes.