FOTO-VIDEO/ NASA: Super-hëna, një fillim i mbarë për 2019-tën
NASA e ka cilësuar një fillim fantastik për këtë vit super hënën që do të shfaqet sonte në qiell anë e mbanë botës.
Super hëna krijohet kur orbita e këtij ylli është shumë afër Tokës dhe në të njëjtën kohë hëna është e plotë, pra krijohet një pamje e jashtëzakonshme e këtij ylli si rrallë herë duke ofruar një super shfaqe për njerëzit.
Hëna orbiton Tokën në një elips, një ovale që e sjell atë më afër dhe larg nga Toka kur rrotullohet.
Pika më e largët në këtë elips quhet Apogee dhe është mesatarisht 253,000 milje (405,500 kilometra) nga Toka.
Pika e saj më e afërt është perigja, e cila është një distancë mesatare prej rreth 226,000 milje (363,300 kilometra) nga Toka.
Kur një hënë e plotë shfaqet në perigjë është paksa më e ndritshme dhe më e madhe se një hënë e rregullt e plotë dhe fiks në këtë moment ne kemi një super hënë.
Termi "super hënë” u krijua në vitin 1979 dhe ndodh në momentin kur hëna është në pikën e saj më të afërt në orbitën e saj eliptike me Tokën.
Këto ndryshime vijnë në sajë të dallimeve të vogla në distancën e Hënës nga Dielli. Për sytë tanë, dallimet janë të pakapshme.
Ndriçimi i sipërfaqes së Tokës nga hëna e plotë e nëntorit 2016 ishte vetëm pak më e lartë sepse Hëna ishte paksa më afër Diellit sesa zakonisht, dhe për shkak se ajo dukej pak më e madhe në qiell se sa zakonisht në krahasim me hënat e tjera të plota. Pra super hënat ndër vite dallojnë mes tyre për largësinë që kanë me Tokën por që gjithçka është e pa kapshme për syrin e njeriut.
F.H, SYRI.net