Ndoka hedh poshtë spekullimet: Mandatin do e dorëzoj sapo të kthehem nga Brukseli

Kryetari i PDK-së, Nard Ndoka ka hedhur poshtë spekullimet rreth dorëzimit të mandatit të deputetit. Ashtu si republikani Fatmir Mediu që ndodhej në Vjenë, Ndoka u shpreh se ndodhet në Bruksel.

Ai siguron se sapo të kthehet do t’i bashkohet vullnetit të gjithë opozitarëve të tjerë që i dorëzuan mandatet e deputetit.

“Ndodhem në Bruksel. Sapo të kthehem do ta firmos dorëzimin e mandatit”,-shprehet Ndoka.