FOTO/ Interi bën ‘paqe’ me Icardin, klubi zikaltër e uron për ditëlindjen
Një paqe mund të vijë që sot midis skuadrës dhe ish-kapitenit Mauro Icardi. Më 19 shkurt, argjentinasi feston ditëlindjen e tij të 26-të.
Sipas asaj që raporton Mateo Barzagi, skuadra ka planifikuar një pritje për Mauron, ku nuk do të mungojnë edhe urimet për bomberin e skuadrës zikaltër.
Klubi nuk ka harruar ta urojë sulmuesin nëpërmjet një statusi në faqen zyrtare.
Paqja me numrin 9 do të vinte në një moment të trazuar në skuadrën e Interit, që arriti të fitonte ndeshjen e dytë radhazi në kampionat ndaj Sampdorias, duke ruajtur distancën prej katër pikësh nga skuadra e Milanit.
Zikaltrit kanë si objektiv primar kualifikimin në Champions dhe finalen e Europa Ligës.