Malcom zbulon bisedën me Messin: Ja çfarë më tha para se të shënoja në ‘El Clasico’

Sulmuesi i Barcelonës, Malcom ka mbetur i kënaqur në golin e tij në El Clasico kundër Real Madridit në gjysmëfinalen e parë të Kupës së Mbretit.

21-vjeçari u bashkua me gjigantët katalunas për një shifër prej 41 milionë eurosh nga Bordeaux verën e kaluar, por ka luajtur vetëm një ndeshje në La Liga.

 “Jam shumë i lumtur për këtë ndeshje dhe shumë i lumtur për golin, e kam parë 100 herë”, ka thënë fillimisht Malcom për Cadena Ser.

 “E kuptova se po luaja para ndeshjes, isha gati, Messi më tha të qetësohem dhe foli se sa e vështirë do të ishte ndeshja, por do të ishte e mrekullueshme”.

“Unë gjithmonë do të jem në gjendje t’u tregoj fëmijëve të mi dhe fëmijëve të fëmijëve të mi se kam luajtur me më të mirët e të gjitha kohërave”.

“Kam një mirëkuptim të mirë me të gjithë brazilianët këtu, me Philippe Coutinho, Arthur Melo, Rafinha Alcantara… ne jemi gjithmonë jemi në humor”, përfundoi braziliani.

Well done Malcom pic.twitter.com/tzTit5ZX8T

— Boy Kiz (@BoyKiz1) February 7, 2019