FSHF përcakton datat dhe oraret, ja kur do luhen ndeshjet e javës së 21-të të Superligës
Java e 21-të e Kategorisë Superiore do të luhet në 3 ditë. Sfida mes Partizanit dhe Kastriotit do të jetë ajo që do të ngrejë siparin ditën e shtunë në orën 17:00.
Ndërkohë ditën e diel janë përcaktuar të zhvillohen plot 3 sfida.
Në orën 14:00, Kukësi e Tirana matin forcat, sikurse edhe Luftëtari e Flamurtari.
Dita e diel do të përmbyllet me sfidën mes Teutës dhe Kamzës që do të zhvillohet në orën 17:00 në stadiumin “Niko Dovana”.
E hëna ka në program vetëm një ndeshje dhe është ajo mes Skënderbeu dhe Laçit. Korçarët do të kërkojnë të rikthehen te fitorja pas plot 7 javësh.
Superliga, java 21
E shtunë, më 9 shkurt
Partizani-Kastrioti ora 17:00
E diel, më 10 shkurt
Kukësi-Tirana ora 14:00
Luftëtari-Flamurtari ora 14:00
Teuta-Kamza ora 17:00
E hënë, më 11 shkurt
Skënderbeu-Laçi ora 18:00