Bebe Rexha kërkoi superbashkëpunimin e shqiptareve të famshme, Dua Lipa dhe Ava Max reagojnë shqip
Bebe Rexha kërkoi atë që tashmë mund të konsiderohet si superbashkëpunimi i shqiptareve të famshme të muzikës, ku përfshihen Rita Orën, Dua Lipën dhe Ava Max, dhe menjëherë ka mbërritur dy përgjigjet e para.
Këngëtarja me origjinë nga Dibra dëshiron që yjet me famë ndërkombëtare t’i bashkojnë forcat në një projekt të përbashkët.
WE. ARE. HERE. FOR. IT. ????https://t.co/olNp2FV82H
— MYX Philippines (@MYXphilippines) January 29, 2019
“Dua një bashkëpunim me Dua Lipën, Rita Orën, Ava Max”, kishte shkruar Bebe të hënën në një postim në rrjetet sociale, duke e shoqëruar me ngjyrat kuq e zi.
E para që ka reaguar ishte ylli më i ri shqiptar i muzikës ndërkombëtare, Ava Max, ecila është në ngjitje. Kënga e saj, “Sweet But Psycho”, është bërë një hit i madh botëror dhe pritet që 24-vjeçarja të ndjekë hapat e kolegeve tjera shqiptare në industrinë muzikore.
Këngëtarja u tregua mjaft entuziaste madje duke zbuluar dhe se çfarë projekti mund të sjellin.
"Version i ri i Lady Marmalade'" ka shkruar Ava.
Ndërsa pasi e ka parë këtë postim, këngëtarja nga Kosova, Dua Lipa, që jeton dhe peron në Angli, ia ka kthyer në mënyrë pohuese.
“Hajde shqipe”, ka shkruar në komentin e saj 23-vjeçarja duke e shoqëruar me simbole të shqiponjës me duar dhe një zemër.
I want a collab @DUALIPA @RitaOra @avamax ??????
— Bebe Rexha (@BebeRexha) January 28, 2019
Pritet të shihet ende se, cila do të jetë përgjigja e këngëtares tjetër të famshme shqiptare, Rita Ora. Tashmë të gjithë dimë për karrierën e 28-vjeçares Rita.
Tashmë dihet universalisht se dy këngëtaret shqiptare Dua Lipa dhe Rita Ora nuk flasin prej vitesh.
Ndonëse zhanret e muzikës së tyre dallojnë, ka kohë që flitet për konkurrencë e inate mes dy artisteve.
Kjo ka qenë mjaft e dukshme në shumë evente muzikore ku këngëtaret kanë qenë dhe pjesëmarrëse, por nuk i kemi parë kurrë bashkë. Shpresojmë se kjo marrëdhënies të mos kthehet në një pengesë për këtë superbashkëpunim të mundshëm.