Pas dëmtimit, ja sa do të mungojë Dele Alli. Humb duelet në Champions
Nuk kanë të ndalur lajmet e këqija për skuadrën e Tottenham Hotspur.
Pas lëndimit të sulmuesit Harry Kane, ishte ndeshja kundër Fulham që i morri një tjetër lojtar skuadrës londineze.
Mesfushori Dele Alli pësoi një dëmtim të rëndë, dëmtim ky që e detyroi të largohej nga fusha e blertë.
Të rejat e fundit nga stafi mjekësor i Tottenham bëjnë të ditur se Alli nuk do të kthehet në stërvitje të paktën deri në muajin mars.
Kjo do të jetë humbje e madhe për skuadrën e udhëhequr nga Mauricio Pochettino, e cila në duelet e Championsit duhet të bëjë llogaritë pa mesfushorin britanik.