Befason Ancelotti: Zidane e ndryshoi stilin e futbollit tim

Carlo Ancelottu ka thënë se Zinedine Zidane sa ishte lojtar i Juventusit, ia ka ndryshuar idetë në futboll.

“Zidane i Juventusit i ka ndryshuar idetë e mia në futboll”, ka thënë trajneri aktual i Napolit.

“Unë kisha një stil të futbollit që i dërgonte lojtarët në zonën e sulmit dhe nuk përdorja një ‘trequartista”.

“Zidane transformoi gjithçka, sepse unë e vendosa ekipin rreth kampionit, duke e bërë të përshtatshme për Zizoun”.

Ancelotti ishte trajner i Juventusit gjatë vitit 1999 deri më 2001, ku në skuadër e kishte edhe francezin, ndërsa kanë punuar së bashku edhe në stafin e trajnerëve te Real Madridi gjatë periudhës 2013-2015, ku edhe fituan Ligën e Kampionëve.