Vuçiç: Njëherë qemë gati të përlesheshim, Kuçi iu sul Daçiçit, kurse unë Thaçit

Presidenti i Serbisë, Aleksandar Vuçiç, ka dhënë një detaj nga takimet që i zhvillon me homologun e tij kosovar, Hashim Thaçi, në Bruksel në kuadër të dialogut të ndërmjetësuar nga BE-ja.

Në një intervistë për “TV Pink”, ai tha se në takimet në katër sy me Thaçin flasin në gjuhën angleze, mirëpo kur gjërat nxehen, atëherë kalojnë në serbisht. “Flasim në anglisht, derisa nuk vjen deri tek ndonjë përplasje verbale… atëherë kalojmë në serbisht”, tha Vuçiçi.

Madje, sipas Zërit, ai tregoi se në një rast kanë qenë afër një përleshjeje fizike, por se gjithçka ka përfunduar shpejt. “Njëherë ishim afër përleshjes fizike. (Hajredin) Kuçi iu sul (Ivica) Daçiçit, ndërsa unë atij… Por, gjithçka përfundoi shpejt”, tha Vuçiçi.