A do të largohet? Ancelotti thyen heshtjen: Ja çfarë do të ndodhë me Hysajn

Carlo Ancelotti ka menduar t’i hedhë ujë zjarrit të ndezur prej ditësh te skuadra e Napolit ku është përfolur largimi i Elseid Hysajt.

Në përfundim të takimin me Sassuolon, i vlefshëm për fazën e 1/8-ave të Kupës së Italisë, trajneri i mirënjohur italian rezervoi fjalë pozitive për mbrojtësin shqiptar, duke pranuar gjithsesi se paraqitja e tij kishte disa probleme.

“Hysaj zhvilloi një ndeshje të mirë, me ndonjë gabim apo ndonjë gjë tjetër të bërë shumë mirë”, tha fillimisht ai.

Po mediet italiane më shumë se për performancën ndaj Sassuolos, ishin të interesuara për të ardhmen e Hysajt. A do të qëndrojë apo jo te Napoli?

“Çështja “Hysaj” është menaxhuar shumë mirë. Kemi patur një takim dhe kemi kuptuar që ai dëshiron të qëndrojë, ndërsa ne e vlerësojmë shumë. Pastaj në një sezon të gjatë mund të kesh ulje-ngritje. Ai dhe menaxheri i tij janë shumë të qetë”, përfundoi Ancelotti.