E ardhmja e Mbappe mund të jetë te Juventusi
Paris Saint-Germain vijon të ketë probleme me Fair Play financiar, teksa do të detyrohet të shesë njërin nga yjet e skuadrës, Mbappe ose Neymar.
Gazeta "AS" zbulon se, të paktën 90 nga 170 milionë euro të kërkuara nga UEFA mungojnë nga shitjet dhe PSG-ja është e detyruar të largojë një lojtar të rëndësishëm.
Braziliani mund të kalojë në Spanjë te Reali, ose Barcelona, ndërsa për yllin francez interesohet Juventusi.
Ndërkohë presidenti i Juventusit, Andrea Agnelli, është shprehur pak kohë më parë se "do të synojmë një tjetër blerje si Cristiano Ronaldo, por më i ri se portugezi".
Por edhe gazeta "Tuttosport", njofton se objektivi kryesor dhe ëndrra e bardhezinjve është Kylian Mbappe.