Messi mund të bashkohet sërish me Guardiolën

Lionel Messi dhe Pep Guardiola kanë kaluar vite të shkëlqyer së bashku, në kohën kur strategu spanjoll drejtonte Barcelonën.

Te katalanasit, dyshja fitoi çdo trofe të mundshëm, duke u konsideruar dhe si një nga skuadrat më të mira të të gjitha kohërave.

Lionel Messi ka pranuar sot për mediat spanjolle se do të dëshironte shumë një ribashkim me ish-trajnerin e tij, si dhe e konsideroi Guardiolën si trajnerin më të mirë në botë.

“Të ardhmes nuk i dihet dhe me Pep kemi punuar gjithmonë në mënyrë perfekte. Ai është një trajner shumë i mirë, më i miri në botë”, u shpreh ylli argjentinas.