Edi shpifja dhe Hasan Pordha
Vetë “materniteti” i shpifjes,Edi Rama,mbodhi bash në një sallë madhështore “ajkën” e gazetarisë shqiptare dhe i kërcënoi se do i gjobisë në se ata e qortojnë. Do i quajë lajmet e tyre fake,fake,fake.
Kryesisht e kishte mërinë me portalet se media mbarë,që e dëgjonte me gojë e xhep hapur,flet me gjuhën e Ramës dhe burim informacioni ka veç ERTV-në.
Më erdhi për të qeshur kur kryeministri im u drejtohej kolegëve me shprehjen:” Mos shpifni,o derëzinj,se do e hani!”. Dhe kujt? Atyre tv-ve dhe gazetave që e sheqerosin kryeministrin nga mëngjesi deri në mesnatë.
Rama po u hiqej si pedagog gazetarie dhe u shpjegonte ç’është shpifja. Merr guxim e flet para “elitës” së gazetarisë nga që i është mbushur mendja top se vetë ai shkruan mirë,me stil Konice dhe me plot ngjyra stilistikore. E vërteta qëndron për gjysëm kështu.
Rama shkëlqen atëhere kur shan,atëhere kur përbuz,atëhere kur tall dhe fyen. Gjeni një copë teksti plot vlera kur ai promovon të mirën? Askund,mos u lodhni hiç.
E kështu,kështu...ky burri i gjatë nisi dje betejën kundër shpifjes. Ky që nxiti median t’ja faturonin mbytjen e Tiranës nga diga e liqenit një të ngrati që Edi të shpetonte kokën e vet.. Ky që shtynte gazetarë të shquar të shanin rrugën e kombit. Ky që u alarmua se i vodhën or?n Bushit. Ky që po vuante nga që gruas së Roshit i hoqën fëmijën. Ky që nxjerr foton e aeroportit të Gjeorgjisë si të aeroportit të Kukësit. Ky që pa shpifje nuk rron një minutë na paska nisur luftën ndaj shpifjes!!! Mbamëni se më zuri retorika e mashtruesit.
Kjo luftë është puro fake,ose tymnajë qeveritare. Betejë super komike. Fiks sikur nesër epikut Hasan Pordha t’i shkrepet të nisë një betejë të ashpër,pa kompromis e me zero tolerancë kundër...pordhëve. Ec e besoje po deshe.
Edvin,si fillim nise luftën nga vetja,prije gjuhën tënde të helmuar. Pastaj llomotit e llomotit sa të duash për portalet,për të vetmet dritare nga rrezaton e vërteta sot. Dëmi që sjellin ato është i papërfillshëm nga dëmi kolosal i shpifjeve të qeverisë mbarsur me spermë mashtrimi...Kaq sa për sot,o Edi Fake!