Ja çfarë reforme zgjedhore kërkon Opozita
Opozita duke parë insistimin e Edi Ramës për të vijuar haptas apo tinëzisht manipulimin e zgjedhjeve apo më saktë tjetërsimin e rezultatit zgjedhor përmes angazhimit të kandidatëve për kryetarë të bashkive apo për deputetë të lidhur me kriminelët e klanet mafioze dhe që përdorin paratë e pista të korrupsionit, krimit e të trafiqeve për blerjen e votave dhe kërcënimin e votuesve ka kërkuar
“ose të kryehet vetingu politik për të shkatërrimin e lidhjeve të politikës me krimin elektoral ose të largohet Edi Rama si ideatori dhe organizatori i blerjes së votave dhe angazhimit të klaneve mafioze në zgjedhje për tjetërsimin e rezultatit zgjedhor”. Përndryshe në Shqipëri nuk do të mund të ketë zgjedhje të lira e të ndershme, e për rrjedhojë as stabilitet politik e social.
Natyrisht opozita e prirur për të realizuar “rrugën e butë” anti-antimanipulim të zgjedhjeve, pra që do të garantonte zhvillimin e zgjdhjeve të lira e të ndershme ka insistuar për zhvillimin e një reforme zgjedhore të vërtetë, që do të kalonte, ndër të tjera, edhe përmes kryerjes së ndryshimeve në Kodin Zgjedhor, gjithëpërfshirëse e konsensuale.
Konkretisht disa nga ndryshimet që ka kërkuar opozita janë:
- ndalimi i blerjes së votave,
- largimi i individëve me rekorde kriminale (dekriminalizimi)
- shkatërrimi i kapjes së shtetit nga oligarkia dhe klanet mafioze(vetingu politik);
- identifikimi biometrik i votuesve,
- votimi e numurimi elektronik;
- kontrolli i shpenzimeve financiare gjatë fushatës elektorale;
- ndalimi i përdorimit të mjeteve administrative gjatë fushatës elektorale,
- eventualisht ndryshime me konsensusin e të gjithë forcave politike të sistemit zgjedhor,
- diskutimin gjithëpërfshirës për pjesëmarrjen e emigrantëve në zgjedhje,
- reflektimin e të gjithë rekomandimeve të OSBE-ODHIR;
- e tjerë.
Syri.net/ 20 nëntor 2018