Dybala ka këtë lutje për Lionel Messin

Sulmuesi i Juventusit, Paulo Dybala, ka bërë një lutje për Lionel Messin që të kthehet në Kombëtaren e Argjentinës.

“Ne të gjithë e duam Messin të kthehet në Kombëtare”, ka thënë Dybala.

Superylli i Barcelonës nuk ka luajtur për skuadrën Albiceleste që nga Botërori “Rusi 2018”.

“Ne të gjithë e dimë rëndësinë e Leos për ne, por kjo varet nga ai. Ne jemi një grup me lojtarë shumë të rinj dhe ne kemi nevojë për mbështetjen e të gjithëve, më së shumti të Messit”, deklaroi sulmuesi argjentinas i Juventusit.