FOTO/ Askush nuk e priste, trajneri i madh mbërrin tek zyrat e Bajernit
Rezultatet e dobëta kanë detyruar drejtuesit e Bajernit të Mynihut të gjejnë zëvendësuesin e Niko Kovaç-it.
Të shohësh një trajner në një klub tjetër, është gjithmonë diçka e pazakontë në futbollin e sotëm, e cila mund të shkaktojë këndvështrime sensacionale, aq më shumë nëse trajneri në fjalë është Pep Guardiola.
Trajneri i Manchester City u pa të hynte sot në zyrat e Bayern Munich, ish-klubit të tij, para se të kalonte në “Etihad”.
Guardiola mbërriti në “Säbener Strasse” me taksi dhe më pas u shoqërua nga parkimi nëntokësor për në selinë e klubit bavarez nga menaxheri i ekipit, Kathleen Krüger.
Pamjet janë duke bërë xhiron e botës, ndërsa për shkak të rezultateve të dobëta Bajerni pritet që të shkarkojë trajnerin Niko Kovaç.
Lajmi është bërë publik nga gazetari i njohur gjerman, Torben Hoffmann ndërsa deri në këto momente nuk ka asnjë reagim zyrtar nga klubi bavarez.
Pep Guardiola e ka drejtuar Bayern Munich për tri sezone (2013-2016), duke fituar tre tituj të Bundesligës, një Superkupë Europiane dhe një Botëror për Klube.
Exklusiv!!!
— Torben Hoffmann (@Sky_Torben) November 14, 2018
Pep #Guardiola ist mit einem Taxi an der Säbener Straße vorgefahren und wurde von Teammanagerin Kathleen Krüger durch die Tiefgarage zur Geschäftsstelle gebracht! (Foto ging nicht besser, Pep war fix) @SkySportNewsHD @SkySportDE @FCBayern pic.twitter.com/grcCtnxapY