VIDEO/ Zbulohen fjalët që i tha Higuain gjyqtarit në momentin e kartonit të kuq

Kartoni i kuq i Gonzalo Higuain në ndeshjen ndaj Juventusit është një nga momentet më të diskutueshme pas asaj fitoreje dramatike 2-0 të "Zonjës së Vjetër" në “San Siro” ndaj Milanit.

Argjentinasin nuk e mbajtën nervat, ndërsa reagoi ashpër kundër vendimit të arbitrit për një faull të tij ndaj Benatia.

Menjëherë pas ndeshjes ai kërkoi falje për protestat e tij, ndërsa mediat kanë zbuluar edhe fjalët e sulmuesit që kanë detyruar arbitrin ta nxjerrë atë nga loja.

Higuain citohet të ketë thënë: "Nuk është faull ky, nuk është faull. Ti vetëm kundër meje vërshëllen, gjithmonë kështu është”.

Ende nuk është marrë vendimi, ndërsa nuk dihet se sa ndeshje mund të humbasë Higuain për kartonin e kuq.