Skënderbeu me probleme para duelit me Flamurtarin

Të dielën në orën 17:00 Skënderbeu do të përballet me Flamurtarin në ndeshjen e vlefshme për javën e 13-të të Kategorisë Superiore.

Në kampin korçar, grupi është stërvitur i plotë dhe në gjendje optimale, por vetëm me një përjashtim, dhe jo me pak rëndësi.

Dejvi Bregu, si pasojë e një frakture në gishtat e këmbës, edhe ditën e sotme ka vazhduar si i diferencuar nga grupi, dhe gjendja e tij mbetet për tu vlerësuar, nëse do të jetë gati për sfidën ndaj vlonjatëve.