Cassano e zbulon emrin: Milani patjetër duhet të transferojë këtë sulmues

Antonio Cassano e ka këshilluar Milanin që menjëherë të transferojë Zlatan Ibrahimovic nga LA Galaxy.

Antonio Cassano dhe Ibrahimovic dikur ishin shok skuadre tek “Rossonerët” dhe sot italiani është pro idesë së kthimit të Ibrës në Serie A, shkruan "Football-Italia", raportyon SYRI.net.

“Nëse do të isha Milan do ta merrja menjëherë,” tha Cassano për SportMediaset.

“Në qoftë se ekziston mundësia, unë jam i sigurtë se Gattuso do të shkojë dhe ta marrë atë personalisht!”

Gonzalo Higuain? “Ai e di se si të luajë për ekipin, ai shënon gola dhe ai siguron asistime. Ai mund të bëjë gjithçka”, përfundoi Cassano.

Sulmuesi suedez është lidhur me një kalim tek Milani në janar, pas përfundimit të sezonit të rregullt të MLS në fund të këtij muaji.