'Misteret e Orikumit', film dokumentar nga zviceranët

Ditën e nesërme, e Enjte, 20 Shtator, ora 18:00, të gjithë në Orikum, te oborri i Njësië Administrative pasi vjen për herë të parë për publikun, filmi dokumentar “Misteret e Orikumit”, realizuar nga zviceranët e “Octopus Foundation”.

Ky aktivitet i realizuar nga Drejtoria Rajonale e Trashëgimisë Kulturore – Vlorë, Bashkia Vlorë, Octopus Foundation dhe Universiteti i Gjenevës, është një rast i papërsëritshëm jo vetëm për të shijuar një material filmik të jashtëzakonshëm mbi vlerat dhe pasuritë historike, arkeologjike, natyrore e më gjerë të kësaj zone por dhe për të shuar kuriozitetin tuaj mbi të rejat e zbulimeve në Orik, pasi të pranishëm dhe në dispozicion të publikut do jenë edhe arkeologët e projektit shqiptaro-zviceran që po kryejnë gërmime arkeologjike në parkun arkeologjik të Orikut.