25 sekondat e para të ndeshjes Angli–Zvicër do të transmetohen në ‘bardh e zi’, ja arsyeja

Anglia dhe Zvicra do të përballen me njëra tjetrën në kuadër të Ligës së Kombeve, përkatësisht Ligës A.

Anglezët do të futen në fushë pas humbjes së pësuar nga Spanja, kurse Zvicra në krye me shqiptarët, vjen pas një fitore të thellë 6-0 ndaj Islandës.

Përveç kualitetit të lartë në fushë që e bënë ndeshjen interesante, vëmendje po tërheq vendimi që 25 sekondat e para do të transmetohen “bardh e zi”.

Kjo do të ndodhë për nderë të organizatës “Kick It Out” që është organizatë kundër racizmit dhe feston 25 vjetorin.

FIFA dhe UEFA nëpërmjet futbollit kanë luftuar dhe vazhdojnë ta luftojnë racizmin.