Sezoni kriminalistik sapo ka nisur...
Pa u mbyllur ende Sezoni Turistik, Shqipëria hyri në Sezonin Kriminalistik.
Nga kostumet banjës dhe kapelet e plazhit, policia e shtetit veshi kostumet e antiplumbit, skafandrën dhe ngjeshi automatikët.
Nga kronikat plot diell me Ministrin Blendi Klosi, kaluam në kronikat e zeza me Ministrin Fatmir Xhafa. Agjencitë Turistike ja lanë vendin Agjencive Inteligjente.
Aksioni rifilloi...
Me tej.
Nuk i sheh më vëzhguesit e vrojtimi në kullat e bregdetit, ato u zëvendësuan me snajper në majë të tarracave.
Nuk sheh më as çifte duarlidhur plazheve të jugut, por kriminelë me duar të lidhur pas shpine në qytetet e veriut.
Në kronikat e TV-ve s'ka më shkuma party, por parti të shkumëzuara që i hakërrehen njëra tjetrës.
Një sezon i ri ka filluar.
Sezoni i politikës dhe i polemikës pa fund.
Sezoni Turistik përfundoi.
Sezoni kriminalistik sapo ka nisur.