Kryemadhi përkujton me nderim Nënë Terezën, thënien: 'Ne jemi lapsi me të cilin Zoti shkruan historinë!'

Kryetarja e LSI-së, Monika Kryemadhi, ka risjellë në vëmendje sot në një mesazh në rrjetet sociale, thënie të fuqishme të shenjtores shqiptare Nënë Tereza, me rastin e ditës kur përkujtohet nga mbarë bota.

Kryemadhi ka shkruar në rrjetet sociale: "Me gjak jam shqiptare; me nënshtetësi, indiane. Përsa i përket besimit, jam murgeshë katolike. Sipas thirrjes, i përkas botës. Por zemra ime i përket plotësisht Zemrës së Krishtit.”

Sot përkujtojmë e kremtojmë Shën Nënë Terezën, bijën shqiptare e misionaren e madhe. Për të gjithë ne shqiptarët ky është një çast gëzimi të pafund, si dhe i një krenarie legjitime, kur kujtojmë se si një grua "e vogël" diti t'i thotë botës së madhe se dashuria mund të fitojë mbi çdo situatë, sado e vështirë dhe e pamundur për t'u jetuar apo realizuar të duket ajo.

“Ne jemi lapsi me të cilin Zoti shkruan historinë!” - mos ta harrojmë e ta bëjmë motiv në jetë këtë frazë të kësaj gruaje të papërsëritshme."