VIDEO/ Hashim Thaçi: Nuk do të ketë ndarje të Kosovës, nuk do të ketë shkëputje të pjesës veriore të Kosovës!
Presidenti i Kosovës Hashim Thaçi ka dhënë një deklaratë drejtpërsëdrejti në media për temën e debatueshme aq shumë se “çfarë do të thotë korrigjimi i kufirit ndërmjet Kosovës dhe Serbisë?” . Thaçi ka theksuar se “nuk do të ketë ndarje të Kosovës, nuk do të ketë shkëputje të pjesë veriore të Kosovës, nuk do të ketë një republikë serbe.”
Vemendja a bashkësisë ndërkombëtare këto kohë është përqëndruar në arritjen e marrëveshjes mes dy vendeve tona, Kosovës dhe Serbisë. E keni parë në medias, edhe në bisedimet e Presidentit Trump me kancelaren Merkel. Është e rëndësishme ta shfrytëzojmë këtë rast për marrëveshje. Nëse e humbim këtë rast, pas zgjedhjeve të BE në pranverën e ardhshme rrezikojmë të gjendemi si Kosovë më të mbyllur përballë BE-së. Ndaj duhet të shtyjmë proceset për integrimin. Nëse e lëshojmë këtë moment rrezikojmë të mbetemi pas në axhendën europiane.
Pa njohjen nga 5 shtete e BE, në një Serbi që ende s’e ka njohur Kosovën, do të vonohen të gjitha proceset dhe do të mbesin prapa në rrugën e integrimit drejt BE-së dhe NATO-së. Nëse shtete e tjera do të nxitojnë, ne do të mbesim pas duke kërkuar edhe një njohje. Ndaj duam të mbyllim të gjitha proceset.
Më lejoni të ndaj me ju të gjitha temat e dialogut mes jush dhe Serbisë.
Së pari, ne kërkojmë një marrëveshje përfundimtare me Serbinë, jo një marrëveshje kalimtare.
Së dyti, normalizimi i plotë i marrëdhënieve të plotë është njohja formale dhe reciproke e shtetit të Kosovës nga shteti i Serbisë.
Së treti, ne synojmë që nga njohja formale reciproke të bëhemi shtet anëtar në OKB, anëtar i KE, i OSBE, i NATO dhe një vend perspektiv në BE.
Së katërti, njohja reciproke mes shteteve do të përcillet me një proces të rakorduar mes palëve për korrigjimin e kufirit.
Çfarë do të thotë kjo?
E para nuk do të ketë ndarje të Kosovës, nuk do të ketë shkëputje të pjesë veriore të Kosovës, nuk do të ketë një “republika serbska’.
Korrigjimi i kufirit do të shënojë fundi e konfliktin të qartë mbi një shekull midis Kosovës dhe Serbisë dhe jo fillimin e një konflikti të ri. Koha e luftërave ka përfunduar.
Kjo do të konsolidohet duke vënë kufirin e qartë midis dy shteteve. Një marrëveshje e tillë midis nesh dhe Serbisë do të jetë kontribut për paqen e kësaj pjesë të Ballkanit.
E di që ky proces mbart dhe rreziqe të panjohura, por që ne do t’i bëjmë të njohura.