FOTO/ Nusen e zë gjumi në timon, vdes në aksident çifti duke shkuar për muajin e mjaltit
Një çift i sapomartuar nga Utah, i SHBA-së kanë humbur jetën në një aksident automobilistik pasi nusen e zuri gjumi në timon, teksa ishin nisur në muajin e tyre të mjaltit.
Amy Moffat, 28 vjeç Stephen Graham, 30-vjeç ishin nisur të shkonin për në Whistler, British Columbia, për të festuar martesën e tyre, por fatkeqësisht jeta e tyre u pre në mes, raporton Daily Mail.
Çifti kishin pak kohë që ishin martuar, por ende nuk e kishin festuar muajin e mjaltit. Ndërkohë një mik i tyre i cili po i shoqëronte me makinë nga mbrapa ka parë gjithë skenën e tmerrshme kur makina është përplasur me kamionin.
“Kamioni u përplas me makinën duke hyrë në rrugën e tyre”, tha Spencer Luczak, mik i ngushtë i çiftit, për Fox 13. Spencer Luczak, ka vrapuar menjëherë për të shpëtuar çiftin, por për ta ishte shumë vonë sepse kishin ndërruar jetë.