Edhe Spanja pranon VAR-in, për herë të parë do aplikohet në ndeshjen e Barcelonës

Federata Spanjolle e Futbollit ka zyrtarizuar se me rastin e finales së Superkupës së Spanjës që do të luhet mes Barcelonës dhe Sevillas të dielën e ardhshme, do të bëjë debutimin sistemi VAR.

Arbitri përgjegjës për VAR do të jetë Carlos del Cerro Grande dhe do të ketë ndihmës Jesus Gil Manzano dhe Angel Nevado Gonzalez.

Të dy klubet kanë pranuar përdorimin e teknologjisë për këtë ndeshje.