Behu e përgjegjshme Vasilikë!?
21 korrik dy vjet më pas.
Vasilikë, t'u deshën kaq vite të kuptoje se Reforma juaj në Drejtësi po kolapson.
Tu deshën kaq vite që të arrish në ato konkluzione që para dy vitesh t'i thamë e stërthamë ne, opozita, në Komisioni e Reformës në Drejtësi.
Sot ti Vasilikë na paske deklamuar: ‘duhet të jemi të përgjegjshëm’. Po Vasilikë, duhet te jesh e përgjegjshme ti dhe koleget e tu për Rrëmujën katastrofale në Drejtësi, që ti dhe kolegët e tu gatuat pa dëgjuar paralajmërimet dhe kritikat tona dhe hodhët poshtë me mendjelehtësi poetike propozimet tona sepse kishit mbështetje ekstranacionale.
A te kujtohet Vasilikë kur ti, Ulsiu etj, ishit gati të miratonit draftin e Kushtetutës të Fatmirit ‘me sy mbyllur’ siç propozoi Pandi? Kjo është papërgjegjshmëri lapidare Vasilikë!
Zoti i shpëtoftë shqiptarët prej papërgjegjshmërisë tuaj, se ty e kolegëve të tu jua fal Edi mekatët!
Vasilikë, nuk mund t'i kërkosh opozitës të jetë e përgjegjshme e të votojë që të kompletojë sistemin e kapjes politike të drejtësisë prej jush e të bëhet pale. Meqë nuk ju funksionoi mekanizmi i kapjes afatgjate tek Magjistratura, kërkoni që t'ju ndihmoje opozita?! A je e përgjegjshme për këtë kërkesë Vasilikë?!
I ke bërë thirrje studentëve që janë diplomuar jashtë të vijnë të t'ju ndihmojnë në këtë ‘mrekullinë e tetë’ tokësore që po ndodh në Shqipëri me Reformën në Drejtesi, kur edhe studentët që nuk janë diplomuar ende në Tirane e kanë kuptuar katastrofën e reformës tuaj.
Shtet anëtar i NATO-s, vend kandidat për në BE që pret hapje negociatash, që sot nuk ka Gjykatë Kushtetuese, Gjykatë të Lartë dhe asnjë institucion kushtetues drejtësie, vetëm Shqipëria është.
Kjo është pasoja e çorbës në Drejtësi që gatuat. Uroj që e ke të qartë që 50 studentët e Magjistraturës nuk t'i zgjidhin dështimet për KLGJ, KLP, Prokurorinë e Përgjithshme, SPAK, gjykatën e posaçme antikorrupsion apo BKH qe nuk ngrihen dot pas dy vitesh.
Vasilikë, ke të drejtë, ti dhe kolegët e tu duhet të jeni të përgjegjshëm, se nuk jeni! Pyet Edin se ai e di shumë mirë qëllimin e të gjithë kësaj: kapja e drejtësisë qe ai te mos shkojë në burg.
Përveçse të përgjegjshëm, ju duhet të viheni para përgjegjësisë, sot dy vjet pasi vratë konsensusin e Reformës në Drejtësi.