Tritan Shehu në SYRI.net: Marrëveshja e detit me Greqinë të dërgohet në Gjykatën e Hagës
Deputeti demokrat Tritan Shehu, i ftuar në studion e lajmeve të SYRI.net, është ndaluar gjerësisht në marrëveshjen e shumëdebatuar mes Greqisë dhe Shqipërisë, e njohur ndryshe si “marrëveshja e detit”.
Zoti Shehu theksoi se “lidhur me marrëveshjen me Greqinë po mbahet terr i plotë informativ dhe për këtë çështje ne do të kërkojmë një seancë të veçantë të komisionit të jashtëm në parlament.
U thanë gjëra të cuditshme pak ditë më parë. U tha për vendosje kufinjsh me Greqinë, ndërkohë që kufinjtë kanë dhjetra vite që janë vendosur dhe njohur nga dy vendet dhe që janë ratifikuar nga Helsinki.
Baza më e mirë e marrëveshjes me Greqinë është ajo e fundit që u rrëzua për arsye teknike nga Gjykata Kushtetuese.
Në kushtet e këtij dyshimi reciprok, nga shqiptarët dhe grekët, zgjidhja duhet të gjendet në Gjykatën e Hagës me mirëkuptimin e dy vendeve tona dhe kjo do ishte zgjidhja më e drejtë.
Politika e kapitullimit është politika e lëshimeve më shumë sec duhet. Kjo është pasoje e politikës aventureske ndaj partnerëve të cilët tashmë e kanë vënë me shpatulla pas murit dhe nën presion të fortë.
Këmben gjera pa vlerë si, ligji i luftës, me gjëra me shumë vlerë për ne.
Është kaluar nga politika e të fortit dhe aventureske në politikën e kapitullimit.
Fatkeqësisht, cdo gjë rreth kësaj marrëveshje, e marrim vesh nga mediat greke pasi qeveria shqiptare mban heshtje të plotë.
Deputeti Shehu u ndal edhe te shtyrja pa afat e hapjes së negociatave të Shqipërisë me BE.
“Është fatkeqësi që Shqipëria ka mbetur shume mbrapa. Negociatat që po kërkojmë të hapen tani, ishin fiksuar për 25 shkurt 97, dhe ne do ishim anëtarë të BE para Kroacisë dhe Sllovenisë. Ngjarjet e 97-ës bllokuan gjithcka. Pas 2005 vendi mori sërish kursin e duhur me hyrjen në NATO, marrëveshjen e stabilizim asocimit, liberalizimin e vizave etj por pas vitit 2013 sërish u bllokuan.
Për fat të keq qeveria ka humbur trenin për faj të saj. Tashmë ne nuk e dimë a do thirremi në 2019 pasi Parlamenti Europian ka zgjedhje dhe nga ana tjetër janë kushtet e tjera që duhen plotësuar.
Kemi një provim të ri me BE por nuk e dimë datën se kur do të jetë sezoni i provimeve.”
Zyrtari i lartë demokrat u ndal edhe te rekomandimi pozitiv për liberalizimin e vizave të qytetarëve të Kosovës. Ai tha se “heqja e vizave për Kosovën është nja hap pozitiv. Kosova pati problemet e saj që e vonuan dhe shpresoj që brenda këtij viti kosovarët do kënë mundësi të udhëtojnë të lirë.” Tha Tritan Shehu gjatë intervistës së tij në studion e lajmeve të SYRI.net.