Ylli i Kroacisë në Kupën e Botës, presidentja Kolinda Grabar-Kitarovic!
Ajo kishte veshur fanellën e Kombëtares së Kroacisë dhe duartrokiti kur Kroacia u përball me Francën në finalen e Kupës së Botës të dielën.
Më vonë, pas përfundimit të ndeshjes, e lagur nga shiu, Kolinda Grabar-Kitarovi? qeshte pas humbjes dhe përqafoi çdo futbollist nga të dyja skuadrat ndërkohë që fituesit merrnin medaljet e tyre.
Në fund të ditës, ishte Presidentja e Kroacisë e cila shkëlqeu si protagoniste e vendit të saj në Kampionatin Botëror të Futbollit. Mediatoolkit, një kompani analitike me seli në Zagreb, konstatoi 25% më shumë reagime te lajmet për Presidenten në Finalen e Botërorit krahasuar me të gjithë futbollistët, ndër të cilat lajmi për fituesit e ‘Golden Ball’, Luka Modri?, si dhe Ivan Periši? e Mario Mandžuki?.
Më shumë se 80% e reagimeve ishin pozitive, tha Mediatoolkit, për një grua që shkoi në Rusi me shpenzimet e saj, në një udhëtim në klasin ekonomik, e cila shpesh i ka ndjekur ndeshjet nga tribuna jo – VIP – duke humbur vetëm gjysmëfinalen kundër Anglisë, më 11 korrik, e cila përkoi me Samitin e NATO-s në Bruksel. Boris Dežulovi?, një gazetar dhe komentator politik, tha: “Pjesëmarrja e saj në Kupën e Botës mund të përshkruhet si një video e zgjeruar parazgjedhore”.
“Ajo e ka përdorur këtë për të përforcuar strategjinë e saj në marrëdhëniet me publikun, për të qenë Presidenti i popullit”. Kjo është diçka që ajo e ka bërë në Kroaci për pak kohë. “Në vend që të jetë e rezervuar ndaj qytetarëve kroatë, kjo video e fushatës është parë nga miliarda njerëz në të gjithë botën”. Grabar-Kitarovi? u zgjodh presidente në vitin 2015, e prezantuar si fytyra e re e “rafinuar” konservatore e Unionit Demokratik Kroat (HDZ).
HDZ është përballur përgjatë viteve me një seri akuzash për korrupsion, më të rëndësishmet janë ato që përfshijnë ish-kryeministrin Ivo Sanader.
Grabar-Kitarovi?, në pjesën më të madhe një funksionare e HDZ deri në fushatën elektorale të vitit 2015, iu bashkua protestave të gjata të veteranëve kroatë të luftës që përkuan me fushatën parazgjedhore.
Megjithatë, me një shkollim jashtë vendit të saj, me një anglishte të shkëlqyer dhe një pozicion të lartë në NATO, Grabar-Kitarovi? ishte në kontrast të fortë me ish-gjeneralët dhe kryetarët e vrazhdë të komunave, të lidhur me HDZ.
Pjesëmarrja e saj në Kupën e Botës është ndoshta treguesi më i qartë në rolin e saj në sferën politike të HDZ dhe Kroacisë, ku presidenti është kryetari i shtetit dhe përfaqësuesi i vendit brenda dhe jashtë tij.
Ndërkohë që kryeministri Andrej Plenkovi?, është ngarkuar në bisedime me kreun e bankës ruse Sberbank, kreditori më i madh i vetëm i konglomeratit më të madh dhe të trazuar kroat, Grabar-Kitarovi? ka shkëmbyer fanella me Presidentin Vladimir Putin në Moskë.
Pushteti ekzekutiv dhe operacional qëndrojnë në qeverinë e Plenkovi?. Grabar-Kitarovi? është përqendruar në mbrojtjen dhe përhapjen e vlerave që janë të shtrenjta në pjesën më të madhe të elektoratit kroat, dashuria për atdheun dhe kisha – dhe për presidentin, një tjetër mandat.*UnaHajdari/Monitor/Burimi: The Guardian