Përballje deri në ... ja vendimet e PD kundër ligjit të Ramës për shembjen e TK
Kreu i Partisë Demokratike Lulzim Basha ka mbledhur mesditën e sotme deputetët.
Mbledhja zhvillohet vetëm pak orë pasi Edi Rama me deputetët ushtarë të tij, miratoi ligjin për shembjen e Teatrit Kombëtar dhe ngritjen e kullave.
Burime nga PD-ja kanë bërë të ditur se është vendosur që të ketë përballje deri ne largimin e Edi Ramës.
Sipas deputetëve të PD-së, miratimi mbrëmë i ligjit është një akt terrorist, pasi mazhoranxa po sillet si armike e shqiptarëve.
Burime të PD-së thanë se, do t’i bëhet një kërkesë zyrtare presidentit Ilir Meta për të mos e dekretuar ligjin.
Gjithashtu vendime të tjera do të marren nga PD-ja hap pas hapi.
Sipas grupit parlamentar të PD-së miratimi i këtij ligji konsiderohet rrëzim i shtetit, pasi nuk ka as Gjykatë Kushtetuese funksionale.
Deputetët demorkatë do të nisin takimet me në terren për të shpjeguar situatën pasi kjo është betejë e pakthyeshme deri në largimin e Edi Ramës.