Gafa e FIFA-s/ Uruguai-Francë gjykohet nga një argjentinas
Të premten (sot) dhe të shtunën (nesër) do të zhvillohen çerekfinalet e Kampionatit Botëror, ku 8 ekipe janë në garë për trofeun e madh.
FIFA ka përcaktuar dhe gjyqtarët që do të arbitrojnë në këtë fazë.
Kështu ndeshjen e parë mes Uruguait dhe Francës, e cila do të luhet sot në orën 16:00, do ta drejtojë gjyqtari nga Argjentina, Nestor Pitana.
Kjo zgjedhje në fakt ka bërë bujë, pasi ishte pikërisht Franca ajo që e eliminoi Argjentinën nga Botërori.
Për këtë arsye gjykimi i francezëve nga një argjentinas ka ngjallur dyshime ende pa nisur sfida.
Takimi tjetër i ditës së sotme mes Belgjikës dhe Brazilit do të gjykohet nga Milorad Mazic.
Të shtunën në fushë do të jetë Bjorn Kuipers i Holandës i cili do ta drejtojë ndeshjen mes Suedisë dhe Anglisë.
Në ndeshjen e fundit Kroacia- Rusia, gjyqtar do të jetë Sandro Ricci.