E dhunon dhe tenton të vjedhë të moshuarin, arrestohet 32-vjeçari. Emri
Një 32-vjeçar është arrestuar pasi ka tentuar të vjedhë me dhunë një të moshuar në Elbasan.
Etmond Panxhi, banues në fshatin Shelcan ka hyrë në banesën e shtetasit me iniciale B.T. dhe i ka kërkuar para e më pas e ka goditur me sende të forta.
64-vjeçari ndodhej i vetëm në banesë kur Panxhi tentoi ta vidhte.
"Etmond Panxhi u arrestua në momentin kur po largohej nga shtëpia,"-raporton policia.
Materialet i kaluan Prokurorisë pranë Gjykatës së Shkallës Parë Elbasan, për veprën penale, " Vjedhje me dhunë e mbetur në tentativë", parashikuar nga nenet,139 e 22 të Kodit Penal.