Nga muaji i mjaltit, Jona Spahiu publikon për herë të parë fotografi me barkun e rrumbullakosur

Jona Spahiu këto muaj të fundit ka qenë një ndër personazhet më të diskutuar. Si fillim u zbulua lidhja me partnerin, tashmë bashkëshortin e saj, Frenkli Ymeri. Më pas u tha se Jona është shtatzënë, megjithatë ajo nuk preferoi asnjëherë të fliste. Gjatë gjithë kësaj kohe moderatorja simpatike është munduar gjithmonë ta fshehë barkun e saj të rrumbullakosur. Nëpër evente ajo ka veshur gjithmonë fustane të gjera, por në dasmën e saj fustani nuk mundi ta fshihte më, sepse dallohej lehtësisht.

Megjithatë më në fund, Jona ka vendosur ta shfaqë publikisht shtatzëninë e saj. Ajo ka publikuar në ‘Instagram’ një fotografi që vjen nga muaji i mjaltit në Ibiza dhe dallohet qartësisht barku që ka marrë formën e rrumbullakosur.

Jona nuk e ka zbuluar ende gjininë e fëmijës, megjithatë në media ka qarkulluar lajmi se ajo është në pritje të një djali. /revistawho.com