30 milionë euro/ Gjigantët gjermanë të çmendur pas Strakoshës, ja vendimi i Tares

Bayer Leverkusen ka përgatitur një ofertë 30 milionë euro për të nënshkruar me portierin e Lazios, Thomas Strakosha.

Sipas “Corriere dello Sport”, shifra e lartë mund të tundojë Lazion për ta shitur talentin shqiptar dhe në vendin e tij të nënshkruajë me Marco Sportiellon nga Atalanta , shkruan Football-Italia", raporton SYRI.net.

Është folur shumë edhe për një ofertë të Liverpool në të njëjtat shifra, por kjo e gjermanëve është konkrete. Gjithsesi Claudio Lotito dhe Igli Tare kanë bllokuar gjithçka për momentin dhe Leverkusen po bën maksimumin që të hapë tratativat për të blerë portierin e Kombëtares shqiptare.

Strakosha mbylli një sezon të jashtëzakonshëm me Lazion duke e ndihmuar për të përfunduar në vendin e pestë.