Clint Eastwood i rikthehet aktrimit

Aktori i famshëm Clint Eastwood i është rikthyer aktrimit pas 6 vitesh.

Vetëm 88-vjeç, Clint ka vendosur që të marr një rol në filmin ku është vetë producent ‘The Mule’. Kjo është hera e parë që aktori merr një rol që nga filmi ‘Trouble With the Curve’ i vitit 2012.

Eastwood do të luajë rolin kryesor me Bradley Cooper. Historia, e cila është e frymëzuar nga përvojat e jetës reale të Leo Sharp, fokusohet tek personazhi Earl Stone, që do të luhet nga 88-vjeçari.

Kur mbush të 80-tat, ai e gjen veten të izoluar dhe përballet me largimin nga biznesi i tij. Kur i ofrohet një vend pune si shofer, ai e pranon por shumë shpejt zbulon se po punon si një ndërmjetës droge për një kartelë meksikane.